奶黃月餅

近年在香港非常流行之奶黃月餅，而當中限額發售的半島嘉麟樓更成為很多人的至愛，我們住在鄉下地方的人未有機會品嚐，所以非常感謝師傅退休之後將第一代食譜公諸於世，令大家都可以自家製，並可享受這個中西合壁之創作。

材料:

 

月餅餡（ 16個）

• 砂糖　　　 60克
• 低筋麵粉　 18克
• 吉士粉　　 18克
• 奶粉　　　 18克
• 椰子粉　　少許
• 煉奶　　　 23克
• 雞蛋　　　 30克
• 椰汁　　　 90克
• 花奶　　　 7克
• 牛油　　　 45克
• 鹹蛋黃　　 4隻

月餅皮

• 砂糖　　　 67克
• 牛油　　　 130克
• 雞蛋　　　 22克
• 花奶　　　 25克
• 低筋麵粉　 252克
• 吉士粉　　 17克

 

步驟:

1. 先做月餅餡：將糖和麵粉、吉士粉、奶粉及椰子粉撈勻，加煉奶、雞蛋、一半椰汁，撈勻後再加另一半椰汁和花奶撈勻，然後加牛油（不用撈勻）。
2. 滾水落鍋蒸 15至 20分鐘。拿出撈勻，攤凍即成奶黃餡，放入雪櫃雪一晚。
3. 做月餅皮︰大碗中，加入砂糖、牛油搓勻，然後加雞蛋、花奶，撈勻後加麵粉及吉士粉，搓勻。放入雪櫃雪半小時。
4. 奶黃餡從雪櫃取出，再略搓勻，分成 19克一粒。每粒壓平成圓形，包入 1/4隻已蒸熟的鹹蛋黃。
5. 月餅皮粉團分成 30克一粒，每粒壓平成圓形，邊稍薄，將餡包入餅皮中。
6. 月餅先撲上小量麵粉，光滑一面向下放入餅模中造型。留意餅模要灑上極少麵粉，以免黏着月餅皮。
7. 預熱焗爐 250度。先焗 4分鐘，取出掃薄薄一層蛋漿，吹乾約 10分鐘後，再掃一層蛋漿，然後焗 5分鐘，取出掃一層糖漿，最後焗一分鐘。大功告成。

 

貼士:

1. 新買的木製餅模，第一次使用前，應倒入味淡的菜油浸一晚，然後用暖水清洗
2. 月餅皮和餡分量要準確，剛好填滿一兩半裝餅模。
3. 用餅模造型時，要雙手壓實，餅模紋理才清楚壓在月餅上。千萬不要未焗先掃蛋漿，否則餅皮花紋會塌。