韓式泡菜炒飯

大少在韓國餐廳試過之後非常喜歡, 現在都會去餐廳食。在超市買了一樽泡菜回家, 便試試自己煮,本來想用午餐肉,但原來已經食咗,有一罐咸牛肉,於是便試試。

材料:

• 泡菜切粒約1/4
• 飯2碗
• 咸牛肉約半罐（可用午餐肉或煙肉）
• 蛋二隻
• 紫菜碎少許（裝飾）
• 牛油半湯匙

汁料:

• 豉油2湯匙
• 糖漿1茶匙
• 韓式辣辣粉半茶匙（可省卻）

做法：

1. 用少許油燒熱易潔鑊,放入肉類煎香。
2. 加入泡菜炒勻。
3. 加入飯,炒至均勻。
4. 加入汁調味,最後加入牛油炒月,熄火,飯已完成。
5. 將雞蛋煎至喜愛熟的程度,我喜歡荷包蛋。
6. 飯放入碗內, 上面放上蛋, 灑上紫菜便可。

溫馨提示：

* 肉類可選自己喜歡

*醬汁亦可隨自己喜歡加多或減少

*如果沒有即食紫菜,可以改用日式紫菜芝麻的調味

茶餐廳豉油皇炒麵

抗疾期間, 我哋都係留在家, 除每星期仍然要去買菜, 每日三餐在家吃, 真係頭都痛, 人都開始癲。今日星期六嘅午餐係豉油皇炒麵配白粥, 今次炒得很乾身, 很好味。

材料:

• 麵1包
• 蔥1扎
• 芽菜1/4磅
• 芝麻少許

汁料:

• 老抽4湯匙
• 蠔油2湯匙
• 豉油1又半湯匙
• 糖1又3/4茶匙

做法:

1. 麵用滾水煮至鬆開同熟, 隔水吹乾。
2. 葱切段。
3. 汁料攪勻。
4. 芽菜洗淨, 隔乾水。
5. 大火燒熱鑊, 落油炒芽菜, 至半熟加一個蓋嘅酒備用。
6. 下油爆葱白, 下少許酒, 備用。
7. 落少許油, 放入麵, 煎約二分鐘, 不要郁, 第三分鐘先鬆開麵,之後可以反轉,同之前一樣咁做。
8. 然後芽菜和葱白, 逐少加入汁, 炒勻, 加入綠色葱段, 最後加入麻油和芝麻。

粟米肉碎粥

天氣轉，早晚已經秋涼了，但日間有太陽時又轉回夏天，二少感冒，今日㷛粥來做午餐。粟米🌽當造，加了少許 🐷碎嚟㷛粥，都幾好啱晒口味。

上海粢飯

昔日在尖沙嘴的上海小店有粢飯食，星期六會去九龍公園泳池游水後去食，經常冇位坐。移民後巳經很少食。這兩星期突然很想食，於是便自己動手做。以前用電飯㷛煮糯米，出嚟飯唔係粒粒分明，今次用蒸籠蒸飯，效果很好。

材料:

• 糯米4杯
• 油炸鬼2條
• 肉鬆半盒
• 炸菜一包

做法

1. 在前一晚將糯米洗淨，然後加水浸一晚。
2. 蒸籠底放入布，然後加糯米，蒸約2O分鐘至熟，加入約1/3杯熱水，拌勻飯，飯粒吸收後便可熄火，備用。
3. 油炸鬼故入焗爐內用broil，焗至脆。
4. 用壽司席上面加保鮮紙，舖上飯、肉鬆、炸菜粒，最後上面加油炸鬼，捲起便可。

咖哩雞烏冬

今日生日，運動回家後二少做了烏冬給我做生日禮物，很感動，第一次收到這個禮物。

南瓜汁長通粉

又到南瓜季節，又平又高水溶性纖維，用了半隻㷛湯，要消滅另一半的時候了。

材料

• 南瓜半隻
• 雞湯2杯
• 鹽1茶匙
• 西蘭花伴碟

 

做法

南瓜去皮後便放入電飯㷛內的蒸隔上蒸熟，取出壓成蓉，加入雞湯煮成汁，加鹽調味，放在長通粉上，加入西蘭花伴碟。

泰式火腿炒河粉

大少很喜歡吃Pad Thai，買了包河粉，於是便自己做給少爺食，出嚟顏色太淡，下次可能加少少豉油會好少少。

材料：

• 河粉一包
• 火腿1/4磅
• 葱3條
• 芽菜少許
• 蛋3隻
• 花生碎少許
• 青檸1/4個
   

汁料：

• 魚露1/4杯
• 米醋1/4杯
• 糖1湯匙
• 蜜糖1湯匙
  

做法：

1. 河粉依包裝指示浸軟，隔水。
2. 火腿、葱切段。
3. 蛋煎成薄片切條。
4. 汁料混合。
5. 煎香火腿。
6. 加入河粉，炒至熱。
7. 加入葱和汁料，炒勻。
8. 加入芽菜，稍為炒。
9. 可放入碟中，上面加蛋，花生碎。
10. 食時可少少靑檸檬汁。

 

1.