蒜蓉豆豉椰菜仔

感恩節又到了,今年想試試用蒜蓉豆豉來煮椰菜仔, 老公說味道OK。 

火腿蛋一丁

 

下了歷史上的大雪, 非常感恩家不在風雪帶中,  但二少仍然停課, 今天的午餐是二少的至愛-火腿蛋出前一丁, 今日用了個鑄鐵鍋加油煎蛋, 蛋更加美味。  

炆鹿肉

秋風起，三蛇肥！蛇就冇得食喇，不如食住鹿肉補下先。野生鹿比較瘦, 味道似牛肉。

材料:

 

油 二湯匙 鹿肉 二磅 洋葱三個,切碎 薯仔六隻,去皮切件

紅蘿蔔一磅,去皮切 蒜二瓣,切蓉 喼汁一湯匙 Bay leaves 一塊 dried oregano 一茶匙 鹽一湯匙 黑胡椒粉一茶匙 水三杯 做法:  用油起鑊,將肉略煎孰表面,  加入洋葱炒熟 加入喼汁和香草, 伴勻。 將以上各樣放入壓力煲內, 並加入剩餘材料炆至熟。

番茄豆腐牛丸湯烏冬

天氣開始轉涼了, 又到午餐時間, 雪櫃有三個熟透的番茄和未加味嘅豆花，變成美味嘅午餐 - 番茄豆腐牛丸湯烏冬。

材料:

• 番茄三個
• 豆腐花約一碗
• 牛丸一包
• 雞湯二杯
• 烏冬麵三包

做法:

1. 番茄洗淨,切細粒。
2. 番茄和雞湯一齊煲至滾。
3. 加入烏冬麵和牛丸,最後加入豆腐花。
4. 煮至滾便可以。

薯片炸雞

兩個仔喜歡食潛水艇套餐因為會有一杯汽水和一包細薯片，但兩位少爺口味有所改變,現在很多時薯片都唔食，我將薯片壓碎後用嚟做免炸嘅炸雞，哈哈!話咁快啲雞就消失了。

紅菜頭麵包

市場常見到有紅菜頭, 而且帶甜味 一去皮便流出紅色汁液,大少開玩笑話佢正在流血, 通常我會用來煲湯,和番茄一齊非常合拍。以前是會用來做染料,不如我又試試用來做麵包,  出來效果很好, 只是顏色不同, 減少了糖的分量,所以不帶甜味, 大少很喜歡。昨晚錯過了血紅月亮,  今早有紅色麵包來安慰。

 材料:

• 紅菜頭 2個
• 高筋麵粉  264g
• 低筋麵粉 66g
• 依士 8g
• 糖 20g
• 鹽 5g
• 奶 1杯
• 油 33g

做法:

1. 紅菜頭去皮切粒,用約半杯奶放入攪伴器打成蓉。 
2. 將所有乾材料放入廚師機內,加入約200g的紅  菜頭蓉和剩下的奶,混合搓成麵團。
3. 油逐少加入並搓至起薄膜將麵團。
4. 放入有油的碗內作第一次發烤,約一小時左右。
5. 取出麵團放氣造形,灑少許麵粉在包上面作裝飾, 作第二次發烤。
6. 預熱焗爐375。F,將麵包放入焗爐內焗28 - 30分鐘便成。 

 

藍苺Dutch Baby

昨晚半夜醒了睡不著, 突然想起上星期大少在市場買的藍苺還未吃, 小鬼說美金2元3盒很平,但一個星期仍原封不動,  要想個辦法消滅,不如試試做藍苺槳和Dutch Baby ,二少竟然很快便起床,  速度驚人,當然又很快便幫手食晒喇!