韓式炆牛肋骨

我們十分喜歡韓式食物，多謝網友的食譜，昨天嘗試自家製，味道有韓國味道，可能太匆忙和火大了點，汁都乾了。

材料：

• 牛肋條 1.5 磅
• 薑蓉 2湯匙
• 蒜蓉 2湯匙
• 生抽 3湯匙
• 老抽 1湯匙
• 胡椒粉 半茶匙 、
• 糖 2湯匙
• 蔥粒 半杯
• 白芝麻 1湯匙

做法：

1. 將牛肋條調味料醃約15分鐘 
2. 牛肋條煎至半生熟時， 將醃剩之調味料放進鑊中， 加約 二杯清水， 慢火煮1 - 1.5 小 時。 
3. 上碟前可加蔥粒及白芝麻作點綴。

油麥菜

在中國超市工作的小姐常問我點解唔買A菜來食，都唔識食，佢教我像通菜那樣煮。買回家之後用蒜蓉來炒，味道有點像Romain lettuce，翻查之後原來香港人稱之為油麥菜，哈哈，咁我又試下用椒絲腐乳來炒，因為屋企有墨西哥青辣椒Jalapeno便用切絲來炒菜，唔知道是否因為佢哋嘅樣唔夠肥大，或者在唔同氣候種，都唔係好辣，不過這個新嘗試都可以。

水牛芝士麵包

兩位大少都喜歡新鮮水牛芝士，亦十分放入麵包內。昨天在農夫市場買了一盒回家，今天便匆忙做了麵包，大少喜歡多一些餡，便貪心地放大塊芝士，結果有二個麵包出爐便爆開了，下次一定唔好聽個貪心的小狗說話。

材料：

• 依士 1/2 茶匙
• 暖水  1/2 杯
• 牛奶 1/2 杯
• 糖  1 湯匙
• 中筋麵粉  2 1/2 杯
• 鹽  1 湯匙
• 水牛芝士 12件 3/4吋大細
• 粗鹽少許（裝飾用）

做法:

1. 用暖水和依士混合，見到有泡便加糖、鹽和麵粉，混和。
2. 並搓至滑身。
3. 放入已經上油的盤內作第一次發酵至麵糰 2倍大。
4. 將麵糰按扁並分12份。
5. 包入餡料後收口，作最後發酵大約15分鐘。
6. 用少許水途在上面，可灑粗鹽作裝飾。
7. 375F焗約15分鐘或至金黃, 取出便成.

士多啤梨全麥蛋糕

因為老公的膽固醇偏高，血壓亦高所以一直都是少油和少鹽，但係麵包和蛋糕通常是用牛油，最近我都改用油來做，味道都可以。最初少了牛油香味有點唔習慣，現在又覺得問題不大。今個星期買了士多啤梨，當生果食仍然不大甜，於是拿來做蛋糕。

材料：

• 士多啤梨（已切）1杯
• 全麥粉 1  2/3 杯
• 黃糖 1/2杯
• 白糖  1/4 杯
• 肉桂粉  1 茶匙
• 鹽少許
• baking soda  1/2 荼匙
• 油  2/3 杯
• 蛋  2 隻

做法：

1. 預熱焗壚350F。
2. 麵包焗盤掃油。
3. 麵粉、Baking soda、糖 、玉桂粉和鹽混合 
4. 蛋、和油混合。 
5. 將乾和濕材料混合。
6. 輕輕拌入士多啤梨，並倒入麵包焗盤內。 
7. 焗40分鐘。

Kettle corn 甜爆谷

我們十分喜歡食Kettle corn 甜爆谷，每一次看見有得賣總是會買來吃，特別係睇到新鮮做好，好奇又學人做，原來很容易，成本亦好平，日後唔需要再買了。

材料：

• 粟米粒1∕2杯
• 油1∕4杯
• 白糖1∕4杯

做法：
油和糖放進煲中，熱後再放粟米粒入煲內，加盍搖均，當粟米粒開始爆需開少許蓋放蒸氣出來，如果開始爆得較慢便收火，可慢慢享受。

士多啤梨蘋果蓉

做了病公主差不多一星期，雪櫃內的士多啤梨表面開始乾了，蘋果亦不爽脆，唔知點樣清除佢哋，二少話可以將二樣加埋一齊做士多啤梨蘋果蓉，佢個主意都係曾經在超級市場買過回家食，現在好想食過番尋味。我今次做了個好媽媽，答應了佢個要求，效果一定係好食，可是唔知道份量。

Kale

上星期在BJ(貨倉會超市）看到有Kale這種菜賣，據說營養豐富，便心思思買回來一試，而且是袋裝大部份是葉又切片，便決定用蒜蓉炒並下一些水稍煮，味道無甚麼特別，有少許介蘭味，老外喜歡放入湯內一齊煲。